我想認識你更深 (Tag)

這是由wing在facebook傳來的tag.

規則：當你比人tag左，就要寫一篇note，
內含16項有關你的事情，習慣，喜好，目標....
或任何各不相干但有關你的東西。
最後tag另外16個人。你必須tag返tag左你的那個人。
如果我tag左你，即係我想認識你更深。

{1}
寫自己?!....都有D難度......因為我都唔係太了解自己. >.<"""

不過近來最開心的事, 就係可以在香港看X Japan 的 Live. 嘩~真係發夢都無諗過佢地真係會黎, 不過遺憾就係再見唔到Hide係舞台上, 不過我都相信佢精神永遠係到.

{2}
有人曾經問過我會唔會有一日, 突然間唔再聽X或唔再喜歡Hide, 我當時回答, 如果有這一天, 我想....已經過去了!

2003年係我人生事業最失落時候, 當時份工做得好唔開心, 加上每日不停OT, 複雜人事關係, 但E份工係我自己最想做, 當時可以話係我夢想的工作, 或者可以說夢想背後要付出很大代價, 而我根本付不起.

有一日, 我係公司半夜開OT, 有位同事突然間送一本由Hide做封面的雜誌俾我(那本書其實我都有), 我沒有回答同事一句便收下(我根本出唔到聲), 那位同事知道我做野唔開心, 或者佢認為我收到份禮物會開心D, 那張熟識笑容, 同那把粉紅色頭髮, 那一刻我將同事送俾我雜誌九秒九放入櫃裡面. 之後我繼續對著電腦工作, 但心裡面真係好想喊. 從那晚之後, 我不再相信世界上有夢想, 因為太辛苦, 後來我有兩三年沒有再聽X.

當然有些東西第一次接觸時候, 就會永遠一直喜歡, X Japan第一次聽時候係1994年, 當時我就知道自己會永遠喜歡, 就是這份感覺. 2003年後我會聽返X係因為遇到一個喜歡音樂又懂彈結他的人, 我介紹X給他, 因為要介紹麻, 我又拿起CD再回憶起這些令我心動過歌曲囉. 之後那個人做了我老公.

{3}
我都喜歡所有神神怪怪東西, 不過最怕睇恐怖片, 心臟唔係太好, 真係會嚇死我. 但我又唔係太怕真正鬼, 我有見過鬼, 但佢地又唔似電影裡那麼可怕.

我都好迷信, 不過都係有選擇性去信.

小時候見過全身的綠色大眼怪, 而且頭上有角. 當時應該是小時學一年級, 我不知道牠是怪獸, 是鬼怪或是外星人, 反正大人根本不相信, 但我確實看見他們, 是一大群. 我不是做夢. 後來有外國朋友說可能是BIG FOOT, 我找到BIG FOOT的相, 但不是這樣呢!!!! BIG FOOT都不是綠色.

{4}
相信有外星人存在, 而且有部份可能在地球與人類生活.

{5}
16項會否太多呢? @@"

{6}
拿拿拿....我討厭教會朋友叫我入會, 大家各行各路, 唔好搞我啦!

{7}
我以前讀書時候個英文名叫"Tiffany" 我都唔知係名牌, 只知道係宇宙神第十個女兒叫"Tiffany", 後來覺得太名牌FEEL, 所以改名"Katrina"因為E個名好少人用, 點知後來陶吉吉出左首"Katrina"又加上美國颶風, 唉......

{8}
我養十幾年貓, 貓同人一樣有不同性格. 有時我確實可以聽懂貓語, 不過貓說話多數表達不滿或投訴囉.

{9}
很多人在Blog裡問我怎樣才可以成為Fashion Designer, 不寫, 我也不知道原因有這麼多人喜歡做 Fashion, 這行好咩??

{10}
點解這個tag是16項, 不是10項呢?

{11}
我最喜歡吃豆腐, 什麼豆腐煮法都喜歡, 我去過日本好多次, 不過次次都食唔到豆腐宴.......MY GOD!

{12}
自問自己對煮野食真係無天份, 勉強無幸福, 雖然近來煮野方面有少少進步, 最起碼都知點抄菜.

{13}
13是不祥, 尤其是黑色星期五. 不過我就唔覺得係, 反而通勝話當日"大事不宜"就真係次次都中, 總會有d野唔順囉.

{14}
下個月會搬屋, 我住新界都差不多一年半, 都係要搬返市區, 原因係.....有時肚痛或者頭暈都可以快d返到屋企嘛! 坐一個鍾都真係幾辛苦.

{15}
真係好討厭搬屋, 好鬼煩.......

{16}
多謝大家看完16項......*o*